二十九、（粤语，普通话请下拉）
哑仔轻轻摸着身上柔软的布料，难掩欢喜的神情。他十分珍惜地看着衬衣与短裤，含笑挽住林展权的胳膊，想领他进卧室看阿媚带来的其他东西。
“嗯嗯嗯”
“又扭计。要你食饭就嘟咀，见到靓衫又笑到见牙唔见眼，成个细蚊仔。”握住哑仔嫩软的小手，林展权揽过少年的肩，回身对立在桌前的三人道：“你哋落楼先，我执好间房就落过嚟。”
阿明、耀仔闻言应声，阿媚则打开自己的手提包，将桌上填写完毕的表格折好之后放进去。三人先行到楼前等待，耀仔很快找了个阴凉地方蹲身抽烟，顺手又给阿明点了一支，不多时树下就烟气缭绕。
阿媚发动车子打开冷风，借着后视镜掏出口红补好唇色。正涂抹间，听得正在吸烟的耀仔一声长叹。
“唉”
“唉咩呀？”阿明用膝盖轻撞了他一下，笑道：“无情情唉唉声，扮深沉呀？”
阿媚侧过头看看耀仔，对方正呆愣愣地望天，神情颇有些微妙。很快，他起身将烟头丢到地上踩熄，又一次重重地叹了口气。
“唉”
“想讲就讲啦。”阿媚挑起眉，含笑瞪了对方一眼：“再唔讲你大佬带人过嚟，想讲无得讲啦。”
闻言，耀仔做出个夸张的表情，故作惊恐道：“哗，媚姐，你有光眼呀？睇穿我谂咩嘅？”
阿媚伸手在他后脑勺敲了一下：“死仔包啲心事写晒块面度，想知咩就嗱嗱声问。”
耀仔捂着头露出苦相，努力组织了一下语言，磕磕巴巴道：“诶又唔系想问咩，我系想知个哑仔佢诶呢系咪男仔？”
阿媚托腮一抿唇，笑着回道：“应该系。”
“应该？”耀仔愕然：“媚姐，你头先帮佢换衫，咩都睇晒，点会系‘应该’呀？佢究竟系男定女呀？我觉得权哥同佢好唔对路！”
“你估我真系光眼呀?”阿媚无奈道：“我帮佢换件衫咋，最多咪见到上身，佢底裤里面包住啲咩我睇唔到架！总之佢就系男仔胸扁，讲到下面有本事问你大佬咯。”
阿明也开口道：“权哥都唔佢有无波，你谂咁多做咩？”
“唔系咁。”耀仔有些委屈地对阿媚和阿明道：“我觉得权哥对佢啲态度怪怪地，好似当佢系女仔嗯，又唔系话女仔咁诶呢嗯”
阿媚抱住双臂，轻笑道：“诶呢诶呢咁大个人一句说话都讲唔好，都唔知你个衰仔想讲咩？”
耀仔呼出一口气，轻声道：“其实打完荃湾嗰晚，权哥同我见到群英九龙堂口个话事人威哥，本来大家都系唱下饮酒吹水，之后威哥讲起自己准备结婚，权哥就同佢倾好多嘢！连边度影相、摆酒、度蜜月倾埋！威哥仲问权哥系咪有女朋友，几时权哥答佢呢排太忙太多嘢搞，要过一排空闲啲先再谂谂。”
看着阿明、阿媚渐渐复杂的眼神，耀仔挠了挠头道：“本来我都无点谂，以为权哥意思系忙到无时间识女仔拍拖。然后今天见到哑仔着到成个妹妹仔，真系睇唔出系男仔，就想知道系咪我之前认错咗，其实人哋本身系女仔？嗯而且权哥同威哥讲啲嘢，宜家谂返起都唔似系话无时间识女仔，而系无时间搞婚礼。咁嘅话权哥真系当咗佢系女朋友？哑仔虽然真系几靓样，但如果系男仔，玩下就得，但系点当系女仔结婚？”
阿媚闻言将手提包放到身前，锁掉车门后一面关窗一面回道：“男又好女又好你咪理，总之权哥中意就得啦。”
阿明也看出阿媚神情微妙，知道内情估计不好说。他伸手拽开林展权座驾的前门，唤耀仔道：“喂，上车啦仲讲！谂男仔女仔，不如谂下点搞万利单野，强哥佢哋要过荃湾睇场收钱。”
“嗯！晏啲我去同佢哋倾，我约咗人，呢个