你唔听我话，信唔信我唔俾你系度住！」
当阿倩听到May姐以唔俾住作威胁时，阿倩瞬间慌张起来，更加摇着头，
凄惨地回应「唔好呀！Auntie，我依家就返上楼。」讲完，更以依依不舍
既目光望着我，随即黯然神伤地转身。
同一时间，楼面大厅中既某张卡座上，坐着两位染发少年，目睹阿倩从水
吧出来，误以为阿倩系餐厅员工，更向着阿倩挥手「靓女！落单呀喂！依边呀喂
！」
但May姐此刻心情烦躁，并无察觉外面一切，凌厉既眼神投放我身上，继
续对我进行训话！
「你到底想点嫁！有阿怡仲唔满足？你系咪想激死我呀？」
但我并无理会阿妈，将注意力集中系阿倩身上，因为依两位染发少年，一位
染了金色头发，左臂上纹左一道彩虹，而另一位染了银色头发，右臂纹左一条龙
，而且两位样貌凶残，有种生人勿近既感觉，绝对系不折不扣既『古惑仔』。
但阿倩居然走向两位古惑仔面前，更礼貌地讲「请问，两位想食咩呀！」
两位古惑仔毫无忌惮地将目光投放到阿倩既百折裙上，金发少年望着裙下既
美腿吹着口哨。
另一位亦同样以邪恶既眼神投放阿倩既裙下，喜眉笑脸地讲「靓女，两碗餐
蛋面，一碗要太阳蛋，一碗要熟蛋浓边，
太阳蛋果碗D面爽D，熟蛋果碗D面要
冧D，另外！两杯冻柠茶，一杯走色！一杯少甜少冰。」
当银发少年一口气地将想要既食物讲完后，阿倩一手摸着小脑袋，困惑既表
情问「走色？?请问走色系咩意思呀？」
金发少年露出邪恶既笑容回应「靓女！你话我知你条裙仔入面系乜色底裤！
我话知你！」
阿倩呆滞后，随即气愤地讲「痴线！」
正当我仍然注视着阿倩时，忽然间阿妈已察觉到我心不在焉，随即再痛骂我
「我同你