唔驚整污糟你套老西啊？」
「得啦，天雄，嚟得嘅就係客，講少兩句啦」
烏鴉鄙視地瞄他一眼，雷耀揚對駱駝說：「阿大，我同烏鴉傾下。」
「你哋慢慢傾，我就同妹妹仔爹先...」
駱駝對阿羽很有好感，遂逮著她問東問西，年紀、名字，還有戀愛情況
與這樣重量級的四八九對話，阿羽壓力很大，好比面對了黑幫龍頭版的坤叔...
「你同我有乜好傾啊，雷老闆？」
雷耀揚遞給烏鴉一支煙，開門見山地問：「烏鴉，鬼頭係咪喺你呢度？」
「收風收得幾好啊係啊，兩個幾月前的確喺我呢度。」烏鴉接過煙抽起來。
「你好清楚，呢幾年我一直喺刮緊佢。」
「呵呵，鬼頭佢係自己主動上嚟搵我嘅，你同佢之間D嘢同我冇挐掕。」
「你最好交佢俾我。」
「交俾你？」烏鴉不屑地撣撣煙灰：「你不如自己搵佢講啊。」
「佢喺邊？」
烏鴉忽然邪氣上臉，咧開寬口：「遲咗啦喎。」
「乜意思？」
「釘咗蓋咁解。」
對方勃然變色，收起了淡定。
「俾我嘅小拳王監生打死嘅。」烏鴉很享受他此時的表情，只字不提補刀的情節。
他側頭回望身後的阿羽：「佢為咗貪D油水，私底下做大耳窿穿櫃桶底，吞咗你嗰幾球，仲攪到死埋人官非纏身嗰隻，著草去台灣。咁啱得咁橋，喺拳臺上撞咗呢個襯家...咪只可以怪佢黑仔囉。」
雷耀揚扭頭打量起瘦削清麗的阿羽，鬼頭當年跟著他也算是沖鋒陷陣一馬當先，居然命喪這樣的女流之手。
「烏鴉，你好嘢啊。」他提議：「既然你咁鍾意拳賽，我都想同你玩兩手。」
「好啊，你想點玩？」
「我出300個，搵人同你嗰金牌打仔嚟一場。」
「雷老闆你有錢係零舍架勢嘅咁如果我啲打仔輸咗呢？」
「生死自負」
烏鴉倒是有點猶豫，他在掂量這四個字之於小拳王的分量意味。
「唔敢玩咩？」雷耀揚使出激將法。
「奉陪。」
「爽快。」
駱駝看時間還早，拉著眾人要去聚聚小酌，非要留住阿羽陪同。雷耀揚有心讓烏鴉難堪，邀所有人去尖沙咀的「大東方夜總會」，那是不久之前從他手裏才要走的陀地。
夜總會仍和烏鴉掌管時一樣富麗堂皇，播放著Vivaldi的四季協奏曲，大廳多了架三角鋼琴，看起來價值不菲，格局裝飾提升了貴氣，雷耀揚換掉所有人手，就連服務生的製服都正經了不少。
烏鴉才瞧不上奔雷虎那套，衣冠禽獸玩哪門子的閑情高雅。
「嚟啊，猜一罐過！」
「啱聽！」
「發財！你頂帽啊，四眼仔~」
「六六年，一定索！」
「八匹馬，四筒筒~」
「三點三，二島寶~」
「哇，你真係屎忽撞棍~」...
最大的豪華包間內，烏鴉幾個近身細佬猜拳胡喝，各自摟著酒女扯開嗓子一頓亂嚎助興，阿羽感到疲乏不已，靠在沙發上不聲不響。
駱駝三人碰了杯，高談闊論說笑閑聊。
烏鴉又想到了壞點子，斜睨雷耀揚：「雷老闆，難得阿大佢高興，你唔叫阿珊珊過嚟就唔識做啦。」
「哈哈，我都一把年紀啦，溝女嘅嘢邊輪到我。」駱駝自嘲地說。
雷耀揚想了想，對倒酒的服務生吩咐：「去叫Callen過嚟。」
很快一名女子走進包