他过度恐慌，渐渐有点担心他时好时坏的记忆，是情绪不稳所致吗？
英:「昌，快啲话畀萧姑娘听，你最近好乖喎，次次都好准时食药。」
萧:「系咩？真系咁听话？」
英:「萧姑娘，自从佢听过话要折肢之後，不知几乖！」
萧:「成昌，唔可以因为惊折肢先至去食药喎，咁你咪好唔开心罗？你要积极啲谂，食药系用嚟保持身t健康嘅，咁谂至啱嘛！」
昌:「折肢？……咩折肢呀？」
英:「切走你只脚呀！你唔系好惊嘅咩？」
昌:「唔要啊！点解要切走我只脚呀？！」
英:「如果你唔食药咪要切咯。」
昌:「咁仲唔快啲畀药我食？！」
英:「?，你呀，半个钟头前先至畀你食完，宜家食咩药啊？食懵你呀！」
萧姑娘对锦英说:「佢好似有啲唔对路，驶唔驶请求医生写封转介信去jg神科睇一睇？」
英:「讲起嚟，近排我都注意到唔多妥，刚刚食完抑制糖尿嘅药冇几耐，过两、三个钟头後又话攞药食。」
前事完。
11月9号当日……
锦英带着转介信，在咏恩的陪同下，成昌他们三人戴着口罩，经过健康码审查，然後终於来到医院的jg神科门诊作初步检测。
见他们的是一位斯文有礼的丁姓医生，他看了看病人记录便问:
「你系同时睇紧内科而要求过嚟睇jg神科嘅病系唔系？你封转介信我已从数据库下载落嚟睇。」
英:「丁医生，唔知我先生原来嘅糖尿病有冇影响情绪上嘅健康？」
丁:「有好多好似你嘅个案，患有糖尿病亦同时jg神受影响有唔同程度嘅生理失调，我哋有经验handle，所以唔驶担心！」
头一次见面，丁医生已单刀直入地问患者:「廖成昌，你有冇夜晚黑瞓唔着觉，日头食唔落嘢，又或者有头痛头晕嘅情况？有冇jg神不振嘅感觉？」
昌:「冇……我好jg神，一啲问题都冇！我根本唔驶嚟呢个部门睇，嘥时间、嘥心机！……我警告你，千祈唔好当我系黐线?！」
丁:「好多就诊者对jg神科好抗拒，呢个系好自然嘅事，当初会好难接受。」
然後丁医生问锦英:「请问你先生平时有冇出现语无l次嘅情形？」
英:「试过自己作状有电话打入嚟，扮成听电话咁，而且情绪似乎好唔稳定，我唔识点讲，总之佢好多疑虑，有时仲话对自己好失望，一生未有一次成功，冇面目面对。」
丁:「佢仲有冇其他咩异样？」
英:「一系就唔愿意食药，一系当解释完唔食药会面临折肢之後，原本一日一次服食嘅药，宜家每隔两、三个钟就冤住要食，佢系心急想多食几次希望快脆啲好返吖？定还是冇记x自己食过呢？我真系ga0唔清楚！」
丁:「唔，我仲未够胆肯定，但系喺jg神科断诊过程中，有所谓忧郁障碍嘅确诊解释，而且就你提及过嘅观察来讲，初步唔排除有咁嘅判断成立，但系未必一定正确。」
咏恩:「忧郁障碍会记忆力方面出现问题？」
丁:「主要会有焦虑、注意力唔集中，而且仲会自卑感好重，记忆力下降。」
咏恩:「医生，我老爷忘记嘢嘅情况应该只限近期嘅事，但以前嘅嘢佢记x好好，尤其是年青时嘅t育生涯，有时会缅怀过去，从佢口中提及。」
在等巴士回家的路上，三个人都沉默着，思绪紊乱，想说话安慰nn的咏恩，亦没有一个可安定心灵的说法脱口说出。
回想刚刚丁医生的问题:
「佢以前有冇遇过意外？撞击头部影响咗记忆