为阿六嘅事觉得内疚，二嚟想叫我帮信少做大佢堂口”林展权顿了顿，又道：“但半个月后，阿嫂同我哋讲信少因为兴叔走咗太过伤心，喺佢唔知几时惹到毒瘾，希望几个堂口一齐开会简个新话事人。”
“之后标爷先点我暂时睇住元朗。”
阿媚紧紧地攥着拳头，努力克制着自己的声音：“咁咁都系讲唔通呀，如果佢吸咗成五年，点会无人知？况且字头里面咁多粉档，是但搵间都够佢吸过世，信少点会为少少钱出卖我老公？”
“他唔系要白粉钱，系要钱去赌。”
林展权从口袋里掏出一叠簇新的复印出的字据，落款年月不同，但签名都是同样的三个字“邓秉信”。
阿媚的瞳孔猛然收缩，目光像燃着烈焰般凝固在纸上。
“十个古惑仔九个赌。和兴胜包括其他‘和字头’一早就有规矩，无论系话事人抑或系坐馆，包括佢哋啲屋企人，都唔可以喺‘和记’个场赌。因为咁样好难追数，仲可能拉其他兄弟落水。”
“七八年前兴叔只脚唔掂，之后都系信少帮他睇住啲货船。对比返最早嗰张借据嘅日期，加埋阿明先排过大海下扒仔、叠码仔，怕且信少喺六年前就已经喺澳门玩大场，玩亲都系四海会啲贵宾厅。”
“呢张系五年前，他抵押自己部车。”
“仲有呢张，押咗兴叔比佢嘅屋。”
“信少咁嘅身份，普通堂口根本唔敢带他过大海，只会由佢自己玩，更加唔敢借钱比佢。”
“阿明搵到个叠码仔以前喺香港捞过，知道呢度啲嘢，专搵字头里面啲人做客。信少赌台底用一拖五，输光输净都仲要欠多六百万，后来系通过佢搵到四海会嘅分堂口借大耳窿。六百万，几年前元朗边个堂口嘅坐馆见过咁大笔钱？兴叔应该好早就知道?啦，但佢年纪大又死要面，边会抓开块面同我哋做细嘅讲自己个仔过大海输成八百万。”
“钱，兴叔一定有帮他还，但边还到咁多。叠码仔讲过，四年前佢哋夹硬要阿信少押咗间屋，但最后对方无啦啦销咗笔数，换系你看得怪唔怪吖？而喺一个几月之后，阿六同佢几个兄弟就比人伏兴叔查极都唔知边个。”
阿媚苦涩道：“四海会同潮州商会有关？”
林展权略一点头，道：“无错，嗰个厅主同潮州商会个副会长算系半个连襟。”
阿媚仰头看着墨色的天，让泪水在眼眶里静止：“仲查到啲咩？”
话间，外面传来汽车的引擎声，阿明很快拿着钥匙出现在门口。见到阿媚的神情，他微微一怔。
“权哥、媚姐。”
林展权见了他，询道：“啲嘢搞掂？”
阿明如释重负般呼出一口气：“嗯。”
林展权对他点点头，开口道：“之前我叫你查啲嘢，讲比阿媚知。”
阿明闻言看了看阿媚，终是低头避开她的眼神：“媚姐，我”
阿媚的头仍然仰着，隐忍道：“无事，你照讲。”
阿明清了清嗓子，寥寥数言交代一桩疑事。
厦村堂口在数月前与潮义安的泥围堂口起过冲突，双方多次爆发械斗，互有死伤。其间，坐馆丧强打听到对方坐馆的临时住地，意欲向林展权借二十人将其围砍，不料潮义安却早作防备。若非阿明等人在岸边开船接应，丧强与堂口一众兄弟绝不止身上那点轻伤而已。
“泥围啲人系就系唔够厦村揪得，但硬系阴返丧强转头。佢以为系自己黑仔，但权哥都系叫我查下系咪有二五仔。呢次本应系喺二号码头接应，得丧强同几条友知道，后来耀仔过咗去泥围昅住先，先发现附近一早伏咗潮义安班扑街，其他几个码头都无。权哥叫我哋提早揸另一架船过去，又带多两支枪，先打走班扑街。”
“耀仔摸过佢