？個個飲奶都冇力，打屎咩？要隊冧我，不如諗下點同你嘅好兄弟烏鴉交代啦。」
肥佬田咬牙切齒：「你老味咁狼，揪得兩嘢大晒啊？你早D死就可以交代啦！斩開佢九碌！」
一聲令下，那數十人步步逼近，阿羽赤手空拳，找不到任何能夠防身的家夥，只得擺開防守架勢準備與之魚死網破。
正當圍毆在即，車庫入口那頭響起了密集的腳步和說話聲。
「佢哋喺呢度！」
一大批人驟然浩浩蕩蕩地集結出現，把狹小的車庫塞得水泄不通。肥佬田等人驚恐地轉身，只見一個高大的人影推開前排，趿踏跋扈的步子朝他們走來，看那肌肉健碩的身材和傲人的長腿，不是烏鴉這魔頭還會是誰。
「哎呀～我呢哋細靚真係唔識做。」烏鴉帶着磁性無比的嗓音嬉皮笑臉地說：「啱先我話要請你食宵夜，佢哋一唔覺意就搵唔到你嘞，點唔同我講一聲就走咧？」
肥佬田暗自叫苦，這煞神來的可真是時候。
「烏鴉，聽我講」他急急要開口解釋。
「哎？」沒等肥佬田說完烏鴉擡手製止了他，歪頭朝被包圍的阿羽看了過去，鼓了好幾下掌：「犀利啊~你哋喺度做乜，開慶功宴呢度都唔係乜好地方。」
「烏鴉，你聽我解釋，呢個冚家鏟自把自為，同我無關嘅，我而家就隊冧佢，俾個交代你」
肥佬田忙不叠地為自己開解，不過這在烏鴉聽起來很沒有說服力。
「哦，即係講，你同你細靚夾埋嚟过我一戙囉？」
「唔係咁啊！今日呢單嘢你拳館有乜損失我嚟孭飛，入我數就得啦」
烏鴉用鷹鷙般的目光盯着他，打斷了他的辯白：「肥佬田，你做D生意捞幾多我好清楚，一個打仔啫，小小着數我冇所謂，你咁委屈，我都唔好意思要你蝕底...不過頭先你細靚廢咗我親自教出嚟嘅人，如果傳到出面，以後黑虎呢個牌頭喺黑市拳壇仲點有埞企？」
肥佬田自知這次攤上了大事，仍拼命地解釋：「無關我事?喎，頭先三個唔係好配合嘅咩，我都係俾佢戙一镬嘅，你信我！」
「嘁～」烏鴉嗤之以鼻：「你嗰D靓Kent直情笑大人個口，而家躺喺休息室你都唔理，湯藥費我出咩？贏咗都落晒我面，你仲好講。」
阿羽不動聲色，眼下事態棘手復雜，烏鴉的出現讓她更加無路可走，當然肥佬田的境況也不比她好哪去，總之夠他喝一壺的。
「烏鴉！你話過我哋兩個係自己友，我劈九佢先，剩下嘅事你點話點好。」
「劈九佢？肥佬田你攪埚咗仲要搵人孭鑊？」大魔頭存心一副恍然大悟的表情。
下山虎就是得理不饒人，肥佬田驚覺今天這關屬實難過了，便沉下臉來，試圖把字頭和名號掏出來壓製對方。
「陳天雄，你咪過橋抽板！話晒我哋兩個嘅老頂都有幾分交情，咁細嘢你使唔使嘈我！」
被直接叫出了名字，烏鴉兇相畢露，寬闊的M型嘴唇不自覺向上勾起：「嗬～真係得把死人口鳩話連篇，喺我度搵水，同我唱埋D爛鬼高調，東星龍頭嗰名都夠膽攞嚟擋身，你梗係唔想大定嘞？」
「你你你要做乜？！我話你知咪亂嚟啦，唔通你想撩起拗撬？福生一定刮你?！」
毫無底氣的威脅自尋死路。
「呵呵，田壽輝你邊撚位啊？你話你做D偷雞摸狗嘅仆街嘢，福哥知道係咪會濕你一鑊勁嘅？」
「咁即係冇彎轉啫？無計傾啫？」肥佬田還在賭對方是否會動真格。
悶熱的車庫空間，似乎一點就要炸。
烏鴉把頭髮朝邊上一撩：「傾你阿媽做喪事啦，我今日就當幫福生清理門戶～教精你啊細佬，嘢可以亂食，話唔可以亂講啊。」