一役金毛強被重傷腹部，至今未蘇醒，生還的可能微乎其微。
太子強忍惱怒：「我唔想再提彌敦道嗰單嘢，既然烏鴉唔喺度我就照直講，太子拳館要同你哋黑虎落戰書，一打一拳賽，結果係生係死無關單位，去問佢敢唔敢接。」
「唔使咁麻煩，接！」
阿羽的回答震驚了所有人：「我代表黑虎接你嘅戰書。」
黑虎的細佬們輕聲勸她：「小拳王，千祈唔好衝動，下巴輕輕啊」
她堅若磐石地確定：「我無衝動，話接就接！」
「好！既然你咁爽快，咁我都唔會恰你嘅，鬼王！」
洪興班裏走出一位身材精健的年輕人：「大佬，等我嚟會一會呢個女仔。」
「太子，你搵邊條靚嚟同我打都無所謂，拳賽就跟拳賽嘅規矩，講好唔會扯埋其他人，你咪轉個頭就反口。」
「我太子牙齒當金使。」
「算你係個男人。」
太子果真沒有對黑虎的人動手，在撤出拳館時，他扭頭定下戰約：「星期六夜晚9點，葵青碼頭等你哋。」
「唔準去。」
烏鴉趕回黑虎，臉色嚴峻地聽完過程描述，斷然否決阿羽的應戰。
阿羽擡頭蹙眉：「點解？」
「小拳王，未經我同意，幾時學識自己話事？係咪當我透明?？你知唔知太子拳館都係D乜人？」
烏鴉訓斥的同時分明夾帶著憂心：「我係唔會畀你去嘅。」
「烏鴉，你覺得你可以阻到我咩？」
「你買板唔知埞？」
她不接受，頭撇向一邊：「無咗細路祥我一早已經死咗啦」
烏鴉明白她有千百種為了細路祥的理由，可是他不能縱小拳王去冒險。
「呢D係東星同洪興嘅牙齒印，小拳王，你唔係我堂口嘅細靚，唔可以插隻腳埋嚟。」
阿羽思慮多時，神采鋒棱初現，凝神定視烏鴉，一字一字地說：
「我要紮職。」
下山虎懷疑自己的耳朵出了毛病，素來對社團義憤填膺，渴望做正常人的阿羽，為一份江湖情義倔到了何種程度？
「陳天雄，我再講多次，我要紮一職。」
第二日早晨辰時，阿羽進入了那座與烏鴉初次相逢的私人車庫。
大香案擺在中央，貢果敬香供奉關聖帝君立於正位，爐旁左右是「左伯桃」、「羊角哀」祠牌，前方有紅花會「三軍司令」和「金、木、水、火、土」等洪門符令旗，昏暗的空間只有案上香燭搖曳，方能看清右邊坐著的烏鴉和三名細佬。
這場入會儀式一概從簡，不需要多余的人見證，對阿羽來說，拜入東星下山虎堂口不過是從一個四九成為另一個四九，和5年前如出一轍，而她的執拗頑固掰斷了烏鴉的強硬，迫使他終歸服輸。
「你真係諗清諗楚啦？」
這一刻他卻希望阿羽反悔決定。
行動勝於言語，她直接脫掉了所有外套長褲，只著內衣跪在關公像前。
烏鴉看了看阿羽，似乎也決定不再顧忌，他握起一把香點燃，遞給她三支，口中開始念詞。
「開城上馬。」
「左邊龍虎龜蛇會，右邊彪壽和合同。」
「日出東方一點紅，蓮花擺在路當中。」
「義兄採花別處採，此花只是洪家種。」
「洪水氾濫於天下，三千結拜李桃紅。」
「木立鬥世天下知，洪水結拜皆一同。」
「山係乜嘢山？」
「中華山。」
「堂係乜嘢堂？」
「誌士堂。」
「香係乜嘢香？」
「五嶽香。」