說了下方向，Ray開門見山地問：「係呢，你同天雄哥係點識?？」
想了想，阿羽如實相告：「我做過佢拳館嘅打仔。」
「哦~唔怪得之啦，上次見你打起交上嚟又幾放，佢教你?？」
她搖搖頭：「唔係，不過佢都有教過我少少嘅。」
接著一路無話，車駛入寶靈街和白加士街路口停下，Ray環顧四周舊樓住宅，依稀想起6歲前對香港殘存的印象。
「Thank you Mr.Ray...新年大吉。」
「嗯，happy new year.」
阿羽禮節性的微笑道謝，Ray驚現一種稔知熟識的déjà vu，就這樣默默望著她消失在矮樓門廊。
家門上貼了揮春，喜氣洋洋的大字「大吉大利，萬事順意」，平凡的人，平凡的願望。
進了屋企，只見沛姨端著盆菜放置到臺面。
阿羽喜出望外：「沛姨！」
「阿羽你翻嚟嗱！」沛姨今天明顯打扮了一番，親昵地拉住她：「快D坐啊。」
向坤從廚房走出，抹了抹額頭：「靚妹你到啦，仲以為你今年要OT趕唔切翻嚟食團年飯添。」
「坤叔你做乜唔話我知沛姨要嚟啊，搞到我都無準備多啲利是~」
沛姨笑帶甜意：「哎呀，都係自已人唔使咁講究啦，D餸齊啦，過嚟開飯啦。」
洗過手，三人其樂融融坐下，吃起圍爐飯，小小的廳堂洋溢著團圓美好。
「食多啲啊，D餸全部都係沛姨落手落腳整嘅。」
向坤抓了一把全盒中的瓜子，討個彩頭：「嚟搲個銀，祝我哋新一年越搵越多，發過豬頭，大家日日都可以笑到四萬咁口！」
桌上佳肴豐盛，傳統盆菜、發菜蠔豉、鮑魚花膠年糕油器應有盡有，雖比不得高檔餐廳炊金饌玉，闔家共食也綽綽有余。
聊得眉飛色舞時，向坤似乎有話要說，沛姨先開了口。
「阿羽啊，其實我哋有件事想同你講」
「嗯？沛姨你講啊。」她還沒察覺苗頭。
沛姨看了眼向坤，緊張地問：「我同你坤叔決定喺埋一齊，你會唔會覺得唔好？」
阿羽一聽，呆滯幾秒，隨即捂住嘴彎腰捧腹：「哈哈~原來你哋兩個...點會唔好？我都好想多個人一齊撐臺腳。坤叔你好衰?，自己唔講仲要沛姨主動話我知。」
閨女舉雙手贊成，兩位老人倒羞答答地對視起來。
向坤看她笑不停，夾了塊糖蓮藕到碗裏：「笑我啊，咁幾時輪到你拍拖啊？食個蓮藕搵個男朋友啦！」
「哎啊坤叔~你講嚟講去又係嗰三篤屁，你唔悶我都悶嘞。」
「你擔心D乜啫，我哋阿羽咁省鏡，想追佢嘅人塞滿成條廟街啊。」
......
吃完飯，阿羽幫忙收拾了桌面，兩位長輩給她泒了利是，便手挽手出門逛年宵花墟。
看著他們情投意合，阿羽除了羨慕，感到一縷惆悵，不知陳天雄此刻何方。
除夕至深，向坤早早睡去，打算年初一天亮去黃大仙祠拜神祈福，阿羽沒有熬年的習慣，卻怎麽都無法入睡。
她打開手提電話，想發個text祝福給烏鴉，輸入刪除循環反復，最後幹脆放棄。
窗外光影流轉，她抱著雙腿坐在床上發呆。
如果他也正好仰望星空，不如神思遊歷寰宇，幻想萬千眾生間遙相感應。
11:56，電話鈴音急促而來，聲聲顫開心扉。
「小拳王，我喺樓對面等你。」
阿羽一下子懂了，什麽是向心上人奔赴的渴望。
她匆忙披了件